Isa Konrad: Skrywer: Die gekrabbel van skrywers

Niemand met 'n pen of potlood in sy hand kan leë spasies op papier weerstaan nie. Só lyk die gekrabbel van 'n paar beroemde skrywers.

Sylvia Plath

Haar dagboeke is volgekrabbel met klein illustrasies van haar lewe en die drome wat sy gedroom het ... in hierdie een skynbaar dat 'n worsbroodjie en 'n malvalekker haar jaag.

David Foster Wallace

'n Bril en vampiertande op Cormac McCarthy (outeur van "The Road") se gesig.

Vladimir Nabokov

Nota's en gekrabbel op 'n bladsy van sy kopie van "The Metamorphosis" deur Kafka.

Franz Kafka

Party van hierdie tekeninge verskyn ook in sy boeke. Die eerste een van die man by die lessenaar som sy werk goed op.

Samuel Beckett

Gekrabbel op sy nota's vir "Watt".

Allen Ginsberg

Wanneer hy sy digbundels vir mense geteken het, het hy dit deeglik gedoen.

Mark Twain

Dit lyk asof sy gekrabbel vir sy drukker bedoel is ... "to save the space usually devoted to explanations of the state of weather in books of this kind". Ek wonder wat dit beteken. Het hy sowaar tekeninge gebruik om homself beskrywings van die weer in sy boeke te spaar? Seker nie; ek het nog nie genoeg van sy werk gelees om te weet nie, maar dit is hoe ek wil werk. 'n Tekening van 'n son of 'n wolkie aan die begin van 'n hoofstuk en daar gaan jy.